Ka rinisur konflikti i armatosur në Kumanovë këtë mëngjes, pak orë pasi u raportua se ai përfundoi. Sipas medieve në Maqedoni, rreth orës 07...
Ka rinisur konflikti i armatosur në Kumanovë këtë mëngjes, pak orë pasi u raportua se ai përfundoi.
Sipas medieve në Maqedoni, rreth orës 07:00 të mëngjesit të sotëm janë dëgjuar të shtëna me armë të kalibrit të rëndë.
Mësohet se situata është mjaft e tensionuar dhe brenda dhe rreth e qark qytetit ndodhen shumë trupa të forcave speciale.
Sipas agjencisë së lajmeve “INA”, në Shkup ushtria është vendosur në gjendje gatishmërie ndërsa disa heliokopterë ushtarakë janë nisur drejt Kumanovës.
Ngjarja është mbuluar një raportime kontradiktore. Ministria e Brendshme maqedonase deklaroi një natë më parë se grupi i armatosur që qëlloi ndaj policisë është kapur, por të dhënat në terren thonë të kundërtën.
Një anëtar i grupit, që është prezantuar si anëtar i Ushtrisë Çlirimtare Kombëtare, ka thënë se asnjë nga grupi nuk është arrestuar.
“Këtë situatë e kanë inskenuar shteti maqedon për arsye se ata e humbën luftën në ora 11:00. Për t’u nxjerr me fitore kanë vazhduar me popullatë, e për t’i mbuluar vrasjet e tyre në popullin civil i kanë paraqitur si UÇK edhe civilët. Kështu që nga pjesëtarët e UÇK-së s’ka as të vrarë as të dorëzuar, veç të plagosur dy persona dhe askush tjetër”, ka thënë një pjesëtar i këtij grupi.
Sipas tij, “beteja” e Kumanovës i është dedikuar “Komadantit Harun Aliu që u vra pesë vite më parë me Xhafer Shalën në Radushë të Shkupit”.
“Kjo luftë ka pasur me ndodhë me datën 12, pikërisht në datën kur u vranë Komadant Harun Aliu në Radush të Shkupit”, ka thënë ai.
Nga Ministria e Punëve të Brendshme kanë konfirmuar zyrtarisht se deri më tani janë vrarë pesë policisë dhe 30 të tjerë janë plagosur.
COMMENTS